რძის პროდუქტების პირველი ულაქტოზო წარმოება საქართველოში
2022-11-14

პირველი ნატურალური პროდუქტების ჰიპერმარკეტის, აგროჰაბის რძის წარმოების სიახლე - ულაქტოზო რძის პროდუქტები: მაწონი, ხაჭო, იმერული ყველი.

ახალი, ულაქტოზო რძის ნაწარმი განკუთვნილია ადამიანებისთვის, ვისაც ლაქტოზის აუტანლობა აქვთ, რომელიც გარკვეულ ადამიანებში იწვევს სხვადასხვა სახის დისკომფორტს - მუცლის შებერილობა, დიარეა, მეტეორიზმი, ზოგ შემთხვევებში ლაქტოზის აუტანლობა კიდევ უფრო რთული გამოვლინებებითაა ადამიანებში.

„ულაქტოზო ხაჭოს, მაწვნის და ყველის წარმოებაში გამოყენებულია ფერმენტი, რომელიც მთელს მსოფლიოში ცნობილი, ლიდერი კომპანიის მიერ არის მოწოდებული, რომელიც მიკრობიოლოგიურ კულტურებს და ფერმენტებს აწარმოებს. სწორედ აღნიშნული კომპანიის 2021 წლის ინოვაციაა ეს ფერმენტიც, რომელსაც მხოლოდ ევროპის ქვეყნებისთვის იყენებენ, რაც საშუალებას გვაძლევს, ლაქტოზა-ნახშირწყალი გალაქტოზად და გლუკოზად გარდაიქმნას, „აგროჰაბის“ რძის წარმოების ლაბორატორიაში, დამატებით ადგილზე მოწმდება ანალიზატორის მეშვეობით, პროცესი მიმდინარეობს ლაქტოზის ბოლომდე დაშლამდე.

პროდუქტის ორგანოლეპტიკური მაჩვენებლები არ იცვლება, იცვლება მხოლოდ გემოვნური თვისებები, რადგან ულაქტოზო პროდუქტები შედარებით ტკბილია ვიდრე, სხვა რძის პროდუქტები. რაც შეეხება მიკროფლორას, ჩვენს პროდუქციაში სრულიად შენარჩუნებულია, როგორც ბიფიდობაქტერიები, ასევე სხვა ვიტამინები და მინერალები, რითიც ტრადიციული რძის ნაწარმია მდიდარი.

რაც შეეხება კალორაჟს, ულაქტოზო ნაწარმი არ არის დიეტური, რადგან იდენტური ენერგეტიკული ღირებულება აქვს, რაც ტრადიციულ ხაჭოს, მაწონს და ყველს, თუმცა გარკვეულ შემთხვევებში, განსაკუთრებით ჭარბი წონის შემთხვევაში, წონაში კლების პროცესის შენელება ხშირად ლაქტოზის აუტანლობას უკავშირდება, ამიტომაც წონაში კლების დროს ულაქტოზო პროდუქტების გამოყენება რეკომენდებულია“, - განმარტავს „აგროჰაბის“ წარმოების დირექტორი თამარ ფრუიძე.

აგროჰაბის წარმოების ულაქტოზო მაწონი, ხაჭო და ყველი არის მაღალი ხარისხის, ჯანსაღი პროდუქტი, როგორც ბავშვებისთვის, ასევე მოზრდილებისთვის.



სხვა სიახლეები
კიტრი აგროჰაბის სათბურიდან
ქართული ხილი
ეგზოტიკური ხილი აგროჰაბში