ბათუმის შოთა რუსთაველის სახელმწიფო უნივერსიტეტსა და „აგროჰაბს“ შორის მემორანდუმი გაფორმდა
2022-10-26
- ბათუმის შოთა რუსთაველის სახელმწიფო უნივერსიტეტსა და ნატურალური პროდუქტების ჰიპერმარკეტ „აგროჰაბს“ შორის თანამშრომლობის მემორანდუმი გაფორმდა.
- შეთანხმებას ხელი ბსუ-ს რექტორმა, პროფესორმა მერაბ ხალვაშმა და ჰიპერმარკეტ „აგროჰაბის“ დირექტორმა ლაშა გოცირიძემ მოაწერეს.
- თანამშრომლობის ფარგლებში, სტუდენტებს შესაძლებლობა ეძლევათ ჩაერთონ ,,აგროჰაბის’ სასწავლო საგრანტო პროგრამაში და ჰიპერმარკეტში დასაქმების შემდეგ, მოიპოვონ სასწავლო გრანტი 600 ლარის ოდენობით, რაც სხვა სასწავლო გრანტის მქონე სტუდენტისთვის სწავლის გადასახადის დარჩენილი ნაწილის 90%-მდე შეადგენს.
- მემორანდუმი ასევე მიზნად ისახავს სტაჟირებას, დასაქმებას და პროფესიული უნარების განვითარების შესაძლებლობის მოძიებაში სტუდენტთა ხელშეწყობას.
- "ჩვენ მაქსიმალურად ვცდილობთ, ჩვენთან დასაქმებულებს შევუქმნათ კომფორტული გარემო. გვაქვს მუშაობის მოქნილი გრაფიკი, ანაზღაურებადი სტაჟირების პრაქტიკა, ბონუსების და ლოიალობის სისტემები და სხვა საინტერესო სამოტივაციო სქემები. ამ პროექტის წამოწყებით კი, გვინდა ვიზრუნოთ იმ ადამიანებზე, ვისთვისაც გარდა დასაქმებისა, პრიორიტეტი ასევე არის განათლება და განვითარება. უნდა აღვნიშნო, რომ ამ ინიციატივის დაფინანსებით „აგროჰაბს“ თავისი წვლილი შეაქვს შრომისმოყვარე ახალგაზრდების განათლების საქმეში“, - განაცხადა „აგროჰაბის“ დირექტორმა ლაშა გოცირიძემ.
- პროექტის ფარგლებში რამდენიმე ასეული დასაქმებული სტუდენტის წახალისება იგეგმება.
