1.    ტერმინები

·        კომპანია - შპს „აგროჰაბი“ (ს/კ 404502098);

·        მომხმარებელი - ნებისმიერი 18 წელს მიღწეული ფიზიკური პირი, რომელიც წინამდებარე პლათფორმაზე რეგისტრირდება კომპანიის პროდუქციის შეკვეთა/შეძენისა და მომსახურების მიღების მიზნით.  

·        კურიერი - ფიზიკური პირი, რომელიც ახორციელებს მომხმარებლისათვის შეკვეთის საფუძველზე პროდუქციის მიწოდებას. კურიერი შესაძლებელი იყოს როგორც კომპანიის წარმომადგენელი, ასევე კომპანიის ქვეკონტრაქტორ(ებ)ის წარმომადგენელი.

·        მესამე პირი - ნებისმიერი ფიზიკური თუ იურიდიული პირი, გარდა კომპანიისა, მომხმარებლისა და კურიერისა;

·        პლატფორმა - კომპანიის ელექტრონული პლატფორმა (www.agrohub.ge), რომლის მეშვეობით მომხმარებელს ეძლევა შესაძლებლობა შეიძინოს პროდუქცია.

·        მომსახურება -კომპანიის ან/და კომპანიის ქვეკონტრაქტორის კურიერების მიერ მომხმარებლისთვის გაწეული მიწოდების მომსახურება, რომლის საფუძველზეც მომხმარებელი მის მიერ მითითებულ მისამართზე იღებს შეკვეთას.

·        დაფარვის ზონა - კომპანიის მიერ განსაზღვრული მომსახურების გაწევის არეალი.

·        მოსალოდნელი დრო - მომსახურების გაწევის სავარაუდო დრო.

·        მიწოდების საკომისიო - შეკვეთის მიწოდების საკომისიო, რომელსაც იხდის მომხმარებელი შეკვეთის ტრანსპორტირებაში.

2.    ზოგადი ინფორმაცია

·        წინამდებარე პლატფორმა წარმოადგენს ელექტრონულ სივრცეს, რომლის მეშვეობით მომხმარებელი, პლატფორმაზე რეგისტრაციის გზით, იღებს შესაძლებლობას შეიძინოს მისთვის სასურველი პროდუქცია, ხოლო კომპანია, შეკვეთის შესაბამისად მომხმარებელს აწვდის შეკვეთილ პროდუქციას კურიერის მეშვეობით.

·        იმ შემთხვევაში, თუ მომხმარებლის შეკვეთა გულისხმობს ისეთი პროდუქტის შეძენას, რომელიც ექვემდებარება რეგულირებას ან მის შეძენასთან/მოხმარებასთან/მიწოდებასთან დაკავშირებით კანონმდებლობით არსებობს შეზღუდვები, მომხმარებელი ვალდებულია მსგავსი პროდუქტების შეძენისას/მოხმარებისას/მიღებისას იხელმძღვანელოს მოქმედი კანონმდებლობით. მომხმარებლის მიერ აღნიშნული ვალდებულების დარღვევისას პასუხისმგებელ პირს წარმოადგენს მომხმარებელი.

3.    პროდუქციის მიწოდების პირობები.

·        მომხმარებლის მიერ პლატფორმის საშუალებით შეკვეთილი/შეძენილი პროდუქციის მიწოდება მოხდება კურიერის მეშვეობით, პროდუქციის ღირებულების და მიწოდების საკომისიოს გადახდის შემდგომ.

·        პროდუქციის შეკვეთისას/შეძენისას მომხმარებელი უფლებამოსილია შეკვეთაში მიუთითოს პროდუქციის მიწოდების სასურველი დღე/დრო და მიწოდების ადგილი.

·        პროდუქციის მიწოდებისა და მომსახურების გაწევის მოსალოდნელი დრო შესაძლებელია გაიზარდოს სხვადასხვა ობიექტური მიზეზების გამო (მაგ.: უამინდობა, საგზაო მოძრაობის შეფერხება ან/და სხვა გაუთვალისწინებელი და კომპანიისაგან ან/და კურიერისაგან დამოუკიდებელი მიზეზი).

·        კომპანია იტოვებს უფლებას საკუთარი შეხედულებისამებრ გააუქმოს მოხმარებლის შეკვეთა სრულად ან ნაწილობრივ, შემდეგ შემთხვევებში:

o   თუ შეკვეთით გათვალისწინებული რომელიმე პროდუქტი არ არის ხელმისაწვდომი;

o   თუ მიწოდების ადგილი ცდება დაფარვის ზონას;

o   თუ მომხმარებლის მიერ მითითებული მონაცემები არაზუსტია;

o   თუ კურიერი ვერ დაუკავშირდება მომხარებელს (რა შემთხვევაშიც მომხმარებელს არ უბრუნდება მიწოდების საკომისიო);

·        იმ შემთხვევაში, თუ პლატფორმაზე არსებული ინფორმაციის მიუხედავად, ობიექტს კონკრეტული პროდუქტი არ აქვს მარაგში ან არსებობს პროდუქტზე დეფიციტი, მოხდება მომხმარებლთან დაკავშირება შეკვეთის მოდიფიცირების ან კონკრეტულ პროდუქტზე შეკვეთის გაუქმების თაობაზე და ამ გზით მოხდება მომხმარებლის შეკვეთაში შესაბამისი ცვლილების შეტანა;

       მომხმარებლის მიერ ასაწონი პროდუქტების შეკვეთის შემთხვევაში, წონაში შესაძლოა დაფიქსირდეს სხვაობა. კერძოდ, მომხმარებლის მიერ შეკვეთილი პროდუქციის წონასა და შეკვეთის გამზადებისას რეალურად აწონილი პროდუქციის წონას შორის სხვაობის არსებობისას, მოხდება მომხმარებელთან დაკავშირება და მასთან დაზუსტდება აღნიშნული საკითხი. ასეთ შემთხვევაში, მომხმარებელს უფლება აქვს, დაეთანხმოს ან გააუქმოს (სრულად ან ნაწილობრივ) შეკვეთა. მომხმარებელს ანგარიშიდან ჩამოეჭრება რეალურად მისთვის მიწოდებული პროდუქტიის წონის შესაბამისი თანხა.

4.    პროდუქციის დაბრუნების/ჩანაცვლების პირობები

·        იმ შემთხვევაში, თუ მომხმარებლის შეკვეთით რომელიმე პროდუქტი არ არის ხელმისაწვდომი, კომპანია იტოვებს უფლებას, მომხმარებლის დასრტურის საფუძველზე და მასთან შეთანხმებით, მოახდინოს შეკვეთით გათვალისწინებული პროდუქციის სხვა ალტერნატიული პროდუქტით ჩანაცვლება.

·        იმ შემთხვევაში, თუ შეკვეთით გათვალისწინებულ მიწოდებულ პროდუქტს აღმოაჩნდა ნაკლი/წუნი, მომხმარებელი იტოვებს უფლებას მოითხოვოს ნაკლის/წუნის მქონდე პროდუქტის ახლით ჩანაცვლება ან ნაკლის/წუნის მქონე პროდუქტის ღირებულების ანაზღაურება. თავის მხრივ, მიუხედავად მომხმარებლის მოთხოვნისა, კომპანია იტოვებს უფლებას, თავისი შეხედულისამებრ, მოახდინოს მხოლოდ ნაკლის/წუნის მქონე პროდუქტის ღირებულების მომხმარებელზე ანაზღაურება.

·        იმ შემთხვევაში, თუ შეკვეთით გათვალისწინებულ მიწოდებულ პროდუქტს აღმოაჩნდა ნაკლი/წუნი, მომხმარებელი იღებს ვალდებულებას წარუდგინოს კომპანიას შესაბამისი დამადასტურებელი მტკიცებულება (ფოტო-ვიდეო მასალა), წინააღმდეგ შემთხვევაში კომპანია იტოვებს უფლებას არ ჩაანაცვლოს ახლით ან/და არ აუნაზღაუროს მომხმარებელს ნაკლის/წუნის მქონე პროდუქტის ღირებულება.

·        იმ შემთხვევაში, თუ პროდუქტს გააჩნია თავდაპირველი ნაკლი/წუნი ან პროდუქტი დაზიანებულია ტრანსპორტირების შედეგად, პროდუქციის უკან დაბრუნებას ან/და თანხის ანაზღურებას  უზრუნველყოფს კომპანია თავისი რესურსით.

·        იმ შემთხვევაში, თუ მომხმარებლის კონკრეტული შეკვეთიდან გამომდინარე კომპანიას უწევს მომხმარებლისთვის თანხის დაბრუნება, კომპანია მომხმარებლისთვის თანხის დაბრუნებას უზრუნველყოფს არაუგვიანეს მომხმარებლისთვის თანხის დაბრუნების დადასტურების მომენტიდან 3 (სამი) საბანკო დღის განმავლობაში;

5.    კონფიდენციალურობა

პლატფორმაზე რეგისტრაციის გზით, მომხმარებელი უფლებამოსილებას ანიჭებს კომპანიას მოიპოვოს მომხმარებლის პერსონალური მონაცემები, დაამუშაოს, შეინახოს და დაიცვას აღნიშნული პერსონალური ინფორმაცია საქართველოს მოქმედი კანონმდებლობით დადგენილი წესების სრული დაცვით, წინამდებარე პლატფორმის მეშვეობით მომხმარებლისაგან შეკვეთის მიღების, მომხმარებელზე პროდუქციის მიწოდებისა და მომხმარებელზე სარეკლამო, სააქციო და/ან საინფორმაციო ხასიათის შეტყობინების გაგზავნის ფარგლებში.

კონფიდენციალურობის პოლიტიკის შესახებ დეტალური ინფორმაციისთვის იხ. ბმული:

6.    დავები

კომპანიასა და მომხმარებელს შორის წამოჭრილი ნებისმიერი დავა, წარმოშობილი პროდუქციის მიწოდებასთან ან/და პროდუქციის ხარისხთან დაკავშირებით წყდება მხარეთა შორის მოლაპარაკების გზით. შეთანხმების მიუღწევლობის შემთხვევაში, მომხმარებელი იტოვებს უფლებას მიმართოს სასამართლოს, საქართველოს მოქმედი კანონმდებლობის შესაბამისად.

7.    საავტორო უფლებები

ნებისმიერ მასალაზე, რომელიც განთავსებულია წინამდებარე პლატფორმაზე და რომელიც დაცულია „საავტორო და მომიჯნავე უფლებების შესახებ“ საქართველოს კანონით, ვრცელდება შპს „აგროჰაბი“-ს ინტელექტუალური საკუთრების უფლება.

მომხმარებლის მხრიდან ნებისმიერი სახის ქმედების განხორციელება, რამაც შესაძლებელია გამოიწვიოს „საავტორო და მომიჯნავე უფლებების შესახებ“ საქართველოს კანონმდებლობთ დაცული უფლებების დარღვევა, უფლებამოსილებას ანიჭებს კომპანიას მიმართოს შესაბამისს სამართლებრივ ზომებს, მათ შორის შეწყვიტოს ნებისმიერი ურთიერთობა მომხმარებელთან (მომხმარებლის პირად ანგარიშის დეაქტივაციის ჩათვლით).

8.     დასკვნითი დებულებანი

ნებისმიერი საკითხი, რომელიც არ რეგულირდება წინამდებარე წესებითა და პირობებით, რეგულირდება საქართველოს მოქმედი კანონმდებლობის საფუძველზე.

წინამდებარე პლატფორმის გამოყენების წესები და პირობები შესაძლებელია პერიოდულად დაკორექტირდეს/განახლდეს. ნებისმიერი ცვლილება ან/და კორექტირება გამოქვეყნებული და მომხმარებლისათვის ხელმისაწვდომი იქნება კომპანიის ვებ-საიტზე/პალტფორმაზე.

ალკოჰოლური სასმელებისა და თამბაქოს შეძენისას გამოიყენება „თამბაქოს კონტროლის შესახებ“ საქართველოს კანონისა და „ბავშთა უფლებათა კოდექსით დადგენილი ნორმები/წესები.

მომხმარებელი იღებს სრულ პასუხისმგებლობას მის მიერ რეგისტრაციის მომენტში შეყვანილი მონაცემების/ინფორმაციის სისწორეზე და მათ უტყუარობაზე, რაც გულისხმობს, რომ კომპანია იხსნის სრულ პასუხისმგებლობას მომხმარებლის მხრიდან რეგისტრაციის მომენტში არასწორი/არასრული ან/და მცდარი ინფორმაციის მითითებით გამოწვეულ შედეგებზე, მათ შორის მესამე პირების მიმართ მიყენებულ ზიანზე/ზარალზე (ასეთის არსებობის შემთხვევაში).