აგროჰაბი

აგროპროდუქტების პირველი ჰიპერმარკეტი საქართველოში - აგროჰაბი 2016 წელს გაიხსნა. პირველი ევროპული სტანდარტის ჰიპერმარკეტი, რომელიც მომხმარებელს ნატურალურ, ქართულ, ჯანსაღ პროდუქტს სთავაზობს.

აგროჰაბის კონცეფცია

100% ნატურალური ქართული ნედლეულისგან დამზადებული პროდუქტები, რომელთა ხარისხიც გადის მრავალსაფეხურიან შემოწმებას წარმოების ყველა ეტაპზე. კომპანია თავად არის სხვადასხვა პროდუქციის მწარმოებელი. დანერგილი აქვს ISO22000 სტანდარტით სერთიფიცირებული რძის გადამამუშავებელი ქარხანა, საქონლის, ღორისა და ფრინველის ფერმები, ხორც-პროდუქტები, პურ-ფუნთუშეული, საკონდიტრო, ნახევარფაბრიკატების და საკონსერვო საამქროები, საკუთარი ღვინის მარანი. თითოეული პროდუქტის ხარისხი სხვადასხვა სახის ლაბორატორიაში მოწმდება; (ფიზიკო-ქიმიური, მიკრობიოლოგიური და ვეტერინარული). ყოველდღე შემოწმებას გადის ხილ-ბოსტნეული ნიტრატების მაჩვენებლებზე და შემდგომ ხვდება დახლებზე.

აგროჰაბის ფერმები

აგროჰაბის ქსელი ყოველდღიურად მარაგდება ახალი, ნედლი ხორცით. კომპანიას აქვს საკუთარი ღორის და საქონლის ბაგური, ასევე ქათმის (ინდაური, ვარია წიწილა, დედალი) ფერმა.

ფერმებში ვეტექიმები ყოველდღიურ რეჟიმში აკონტროლებენ არა მხოლოდ ცოცხალი პირუტყვის ჯანმრთელობას, არამედ მათთვის განკუთვნილი, სპეციალურად შედგენილი, დაბალანსებული საკვების ხარისხსა და მდგომარეობას. სწორედ ეს მზრუნველობა განაპირობებს აგროჰაბის პროდუქტების სიჯანსაღეს და გემოს. ხორცს, რომელსაც თქვენ აგროჰაბში ყიდულობთ, თან ახლავს საქართველოს კანონმდებლობით გათვალისწინებული ყველა დოკუმენტი.

აგროჰაბის ფერმის ქათმის კვერცხი

აგროჰაბის ფერმის ქათმის კვერცხი კომპანიის მიერ მომხმარებლისთვის შეთავაზებული ახალი პროდუქტია. სპეციალური ჯიშის კვერცხისმდებელი ქათამი აგროჰაბის ფერმაში ახლახან გამოჩნდა. ამ ქათმისთვის საკვები სპეციალურად არის შერჩეული. დაბალანსებული და ჯანსაღი კვების რაციონიდან გამომდინარე, აგროჰაბის ქათამი გამორჩეულად გემრიელ, ნატურალურ კვერცხებს დებს.

აგროჰაბის საქონლის ფერმას შოტლანდიური შავი ანგუსის ჯიშის საქონელი დაემატა, რომელიც მთელ მსოფლიოში ცნობილია, როგორც საუკეთესო მახასიათებლებს და განსაკუთრებული გემოვნური თვისებების მქონე ხორცი. შავი ანგუსის ხორცის იდეალურ სტრუქტურას ბუნებრივ მახასიათებლებთან ერთად განაპირობებს, სპეციალურად შედგენილი დაბალანსებული ბაგური კვების რაციონი, რომელიც აგროჰაბის საქონლის ფერმაში მკაცრად კონტროლდება, რათა საბოლოო პროდუქტი გემრიელი, ჯანსაღი და სასარგებლო იყოს.

აგროჰაბის რძის წარმოება

აგროჰაბის რძის გადამამუშავებელი ქარხანა ყოველდღიურად 25 ტონა საუკეთესო ხარისხის ნედლ რძეს ამუშავებს და ქართულ, ტრადიციულ პროდუქტს ამზადებს. მაწონი, საბავშვო მაწონი, სხვადასხვა ცხიმიანობის ხაჭო და არაჟანი, ნადუღი, პასტერიზებული რძე, ადგილობრივი ფერმერებისგან მოწოდებული რძით იწარმოება. გამორჩეულია აგროჰაბის ხელნაკეთი და ქარხნული ყველის ასორტიმენტი - იმერული, სულგუნი, ჭყინტი სულგუნი, ქართული ტრადიციული ტექნოლოგიით არის შექმნილი. ხელნაკეთი ყველის მრავალი სახეობა - დავარგებული ყველი საფერავში, რქაწითელში, წიწაკაში, კაკაოსა და თაფლში, შებოლილი სულგუნი, ჩეჩილი, პრესის ყველი და სხვა, კი საუკეთესო პროდუქტია სადილის მრავალფეროვნებისთვის და ღვინოსთან ერთად. აგროჰაბი, განსხვავებული მოთხოვნილების მქონე მომხმარებელზეც ზრუნავს და მათთვის საბავშვო, ულაქტოზო და დიეტური ხაზის რძის პროდუქტს ქმნის. განსაკუთრებულია აგროჰაბის რძის დესერტების მიმართულებაც, ქარხანაში ნედლი რძისგან ნაყინი და გლიასე იწარმოება.

აგროჰაბის ხორცპროდუქტების ნახევარფაბრიკატები

აგროჰაბი აწარმოებს ხორცპროდუქტების მრავალ სახეობას, როგორც ტრადიციულ ქართულ კერძებს - აფხაზურა, კუპატი და ა.შ. ასევე, ევროპაში პოპულარულ პროდუქტებს - იტალიური სალსიჩა, ბავარიული სარდელი, პორტუგალიური ჩორიზო და ა.შ.

აგროჰაბის წარმოების ხორცპროდუქტების ჩამონათვალშია სოსისები, სარდელები, მოხარშულ/შებოლილი ძეხვეული, შაშხები და სხვა დელიკატესები.

ქსელში სოსისების დიდი მრავალფეროვნებაა. მათ შორისა, საბავშვო რძიანი სოსისი, დიეტური პროდუქტები - ქათმის, ინდაურის სოსისი. განსაკუთრებით გემრიელია საფირმო სოსისი ფრანკფურტერი ყველით.

აგროჰაბს ქართულ ბაზარზე არსებული სხვა კომპანიებისგან ის გამოარჩევს, რომ აქ ხორცპროდუქტების ნახევარფაბრიკატები მზადდება იგივე ნედლი ხორცისგან, რომელსაც მომხმარებელს სარეალიზაციოდ ვთავაზობთ. ხორცპროდუქტების წარმოების პროცესში დამხმარე ნედლეულის სახით გამოყენებულია მხოლოდ ნატურალური სუნელები კონსერვანტების გარეშე, ასევე, ნატურალური გარსაცმი - ჯანსაღი პროდუქტი, როგორც უფროსებისთვის ასევე ბავშვებისთვის.

აგროჰაბის თევზი და ზღვის დელიკატესები

ნატურალური პროდუქტების პირველ ჰიპერმარკეტში, მომხმარებელს თევზეულის ფართო არჩევანი ელის. აქ წარმოდგენილი გაუყინავი, ფრეშ თევზეულისა და ზღვის პროდუქტების იმპორტი კვირაში რამდენჯერმე, პირდაპირი რეისით ხორციელდება სხვადასხვა ქვეყნიდან.

ხმელთაშუა ზღვის, ეგეოსის ზღვის, შავი ზღვის, ასევე ატლანტის ოკეანის, გაუყინავი თევზი და ზღვის დელიკატესები საქართველოში ჩამოდის თერმო ყუთებით და ჩამოსვლისთანავე თავსდება აგროჰაბის სპეციალურ მანქანაში, სადაც პროდუქტის შენახვის პირობები ზედმიწევნითაა დაცული.

რადგან თევზი მალფუჭებად პროდუქტად ითვლება, აგროჰაბში ის დამატებით გადის კვლევას ვეტერინარების ჩართულობით. პროდუქტს მუდმივად უმოწმებენ ფერს, კონსისტენციას და სიმკვრივეს.

აქედან გამომდინარე, შეგიძლიათ დარწმუნებულები იყოთ, რომ პროდუქტში, რომელსაც აგროჰაბი გთავაზობთ, ბოლომდე შენარჩუნებულია ის ვიტამინები, მინერალები და სასარგებლო თვისებები, რითაც მდიდარია თევზი და ზღვის პროდუქტები.

აგროჰაბის სასათბურე მეურნეობა

აგროჰაბის სიამაყეა ბოსტნეულის დახლები, რომლებიც ყოველდღიურად მარაგდება კომპანიის სათბურებში მოყვანილი ჯანსაღი ბოსტნეულით.

ჩვენი სათბურები გათვლილია წლიურად 200 ტონამდე ქართულ ნიადაგზე მოყვანილ პროდუქციაზე. კიტრსა და პომიდორს გამორჩეული გემო და არომატი აქვს. ყველა პროდუქტზე დატანილია აგროჰაბის ხარისხის ლოგო, რაც ბოსტნეულის უმაღლეს ხარისხზე მიანიშნებს. დამატებით ხილი თუ ბოსტნეული, ყოველღიურად გადის შემოწმებას ნიტრატების მაჩვენებზე და მხოლოდ ამის შემდეგ ხვდება დახლებზე.

აგროჰაბის წარმოების ჯემები და მურაბები

აგროჰაბის ხილ-ბოსტნეულის გადამამუშავებელ საწარმოში უმაღლესი ხარისხის მურაბები, ჯემები და საწებლები მზადდება. საოჯახო რეცეპტებითა და სპეციალურად განსაზღვრული ტექნოლოგიური პროცესით პროდუქტი გემოვნურ და სასარგებლო თვისებებს ინარჩუნებს. საზამთროს, თეთრი ბლის, კაკლის, გარგარის, მარწყვის, მანდარინის, ლეღვის, შინდის, კომშის, ალუბლის, ჟოლოს, მოცხარის, ატმის, ქლიავის, ფეიხოს ჯემები და მურაბები სავსეა ვიტამინებით, რომელიც დადებით გავლენას ახდენს ჩვენს ჯანმრთელობაზე, ხოლო კენკროვანი, ხილი დიდი რაოდენობით C ვიტამინის შემცველობის გამო, დაგვეხმარება იმუნიტეტის გაძლიერებაში. აგროჰაბის წარმოებული საკონსერვო პროდუქტი არ შეიცავს კონსერვანტებს და ხელოვნურ დანამატებს.

აგროჰაბის საკონდიტრო

ნამცხვრები, ტორტები თუ სხვა ტკბილეული აგროჰაბში მხოლოდ მაღალი ხარისხის ნედლეულისგან მზადდება.

საკონდიტრო ნაწარმი აგროჰაბის რძის საწარმოს ასი პროცენტით ნატურალური პროდუქტების - არაჟნის, ხაჭოს, მაწონის, ასევე აგროჰაბის ფერმის კვერცხის გამოყენებით მზადდება. პერიოდულად, ცენტრალურ საწარმოში ჩამოდიან სპეციალურად მოწვეული ფრანგი შეფ-კონდიტრები, რათა თავიანთი გამოცდილება გაუზიარონ აგროჰაბის ფრანგულ ხაზზე მომუშავე ქართველ კონდიტერებს.

პურ-ფუნთუშეულის საამქრო

აგროჰაბის ყველა ობიექტი აღჭურვილია თანამედროვე საცხობი დანადგარით, შესაბამისად ახალი პურ-ფუნთუშეული ყოველდღიურად ადგილზე ცხვება. ასორტიმენტში გხვდება როგორც ქართული ტრადიციული, ასევე ფრანგული, იტალიური, ბერძნული და ავსტრიული პური.

პურის მომზადებისას გამოყენებულია უმაღლესი ხარისხის ფქვილი და ბუნებრივი საფუარი. აღსანიშნავია ფრანგული კრუასანების ფართო ასორტიმენტი და ნაირ-ნაირი ფუნთუშები, როგორც ტრადიციული ქიშმიშიანი, ასევე თანამედროვე ვარიაციებით მომზადებული.

აგროჰაბის საცხობი

აგროჰაბის ყველა ფილიალში, ყოველდღიურად ცხვება ხაჭაპურების რამდენიმე სახეობა - როგორც იმერული და მეგრული ხაჭაპური, ისე ფენოვანი და ნახევრადფენოვანი ხაჭაპურები, რომლებიც მზადდება კარაქიანი ცომით. საცხობში ამზადებენ ასევე უგემრიელეს ლობიანებსა და ღვეზელებს სხვადასხვა გულსართით.

აგროჰაბის კულინარია

გამორჩეული და განსაკუთრებულია აგროჰაბის სამზარეულო, მზა კერძები, რომლებსაც ყოველდღიურად, მრავალფეროვანი ასორტიმენტით ვთავაზობთ მომხმარებელს.

ჩვენი შეფ მზარეულები ამზადებენ როგორც საოჯახო, ტრადიციული რეცეპტებით, ასევე თანამედროვე მიდგომებითა და იმპროვიზაციის გამოყენებით. ყველა კერძის მომზადების დროს გამოყენებულია ნატურალური ინგრედიენტები და ნედლეული, რაც ცალსახად გამოარჩევს აგროჰაბის კერძებს.

ნახევარფაბრიკატები

აგროჰაბის ყველა ობიექტი მარაგდება სხვადასხვა სახის ნახევარფაბრიკატებით როგორც ცენტრალური საწარმოდან , ისე ადგილობრივი საამქროებიდან. მომხმარებელს ყოველდღიურად ვთავაზობთ ახალ, გაუყინავ ნახევარფაბრიკატებს - ბლინებს, ხინკალს, ტოლმას, კოტლეტებსა და ქაბაბს. ასევე გაყინულ ნახევარფაბრიკატებს - პელმენებს, ვარენიკებს და სახლში გამოსაცხობად გამზადებულ ხაჭაპურსა და ლობიანს.

ღვინის მარანი

ისტორიამ შემოგვინახა ღვინის ქვევრში დამზადების ტრადიცია, რომელსაც ჩვენი წინაპრები იყენებდნენ. სწორედ ამ ტრადიციას აგრძელებს აგროჰაბი საკუთარ ღვინის მარანში, სადაც ყურძნის სხვადასხვა ჯიშისგან საუკეთესო ხარისხის ღვინოები მზადდება. გამორჩეული სახეობებია უსახელოური, ხვანჭკარა, ქინძმარაული, საფერავი, რქაწითელი, წინანდალი, მანავის მწვანე, ქისი ქვევრი და ჩინური.

აგროჰაბის მომხმარებელს ვთავაზობთ როგორც ბოთლში ჩამოსხმულ სხვადასხვა სახეობის ღვინოს, ასევე ფილიალში არსებულ მარანში ჩამოსასხმელ ღვინოს.

აგროჰაბის იმპორტი

ძალიან სწრაფად ვითარდება კომპანია აგროჰაბის იმპორტის მიმართულება. ჩვენს ფილიალებში მომხმარებელი შეხვდება მსოფლიოში წამყვან იტალიურ, გერმანულ ბრენდებს, რომლებსაც დიდი ხნის ისტორია, საუკეთესო ხარისხის პროდუქტი, გამორჩეული ტექნოლოგიები და ტრადიციები აქვთ.

სწრაფი კვება Pick and Go

Pick and Go აგროჰაბის კაფეების ახალი მიმართულებაა - ყოველდღიურად ადგილზე მომზადებული სწრაფი და ჯანსაღი კვება.

ასორტიმენტში შეხვდებით, სალათებს, ლანჩბოქსებს, სენდვიჩებს, ვრაპებს, სუშის, პუდინგებს, დესერტებს, კრუასანებს, ღვეზელებს, ასევე სასმელს - ყავასა და ჩაის, დეტოქს წყლებსა და ლიმონათებს.

Pick and Go-ს შეფუთვაზე დატანილი ანოტაცია მომხმარებელს შესაძლებლობას აძლევს აკონტროლოს დაბალანსებული კვების რაციონი და კალორიები.

პარტნიორული კაფეები

აგროჰაბის მრავალფეროვანი მზა კერძებითაა ცნობილი ჩვენი კაფეტერიაც, რომელსაც მომხმარებელი ჩვენს ფილიალებში ყოველდღიურად სტუმრობს.

ჩვენი კაფეტერიები ასევე წარმოდგენილია ისეთ ობიექტებზე, როგორიცაა „ლიბერთი ბანკის“ სათაო ოფისი, „საქართველოს ბანკის“ ფილიალები, „პროკრედიტ ბანკის“ სათავო ოფისი, თბილისის მერია, სახელმწიფო სამედიცინო ინსტიტუტი, დიპლომატ ჯორჯია და სხვა.